کوئٹہ/نصیر آباد:
بلوچستان کے مختلف علاقوں میں پیش آنے والے دو الگ الگ ٹریفک حادثات کے نتیجے میں خواتین سمیت 13 افراد جاں بحق اور 20 زخمی ہوگئے۔ بلوچستان کے علاقے مچ میں ایک تیز رفتار ٹرک اور مسافر ویگن کے درمیان خوفناک تصادم ہوا۔ ٹرک کی ٹکر سے ویگن گہری کھائی میں جا گری، جس کے نتیجے میں ویگن میں سوار 9 افراد جاں بحق اور 19 افراد شدید زخمی ہوگئے۔دوسری جانب نصیر آباد میں ڈھاڈر قومی شاہراہ پر بھی ایک اور دلخراش حادثہ پیش آیا، جہاں ٹرک نے ایک کار کو زور دار ٹکر مار دی۔ اس حادثے کے نتیجے میں 3 خواتین سمیت 4 افراد جاں بحق اور ایک شخص زخمی ہوگیا۔