سکھر (رپورٹ: عبدالرحمان راجپوت )
غلام محمد مہر میڈیکل کالج (GMMMC) ہسپتال سکھر میں ڈاکٹر عبدالعلیم کھوسو کے ایڈیشنل میڈیکل سپرنٹنڈنٹ (AMS) کی اہم انتظامی ذمہ داریاں سنبھالنے پر مبارکباد کا سلسلہ جاری ہے۔
اس سلسلے میں ریاض صدیقی، یاسین صدیقی، ملک عبید اور معروف صحافی عدنان راجپوت نے GMMMC ہسپتال سکھر پہنچ کر ڈاکٹر عبدالعلیم کھوسو سے ملاقات کی اور انہیں نئی ذمہ داریاں سنبھالنے پر دل کی گہرائیوں سے مبارکباد پیش کی۔ اس موقع پر انہوں نے ڈاکٹر عبدالعلیم کھوسو کو پھولوں کے ہار پہنائے اور ان کے لیے نیک خواہشات کا اظہار کیا۔
شرکاء نے ڈاکٹر عبدالعلیم کھوسو کی نئی ذمہ داری کو خوش آئند قرار دیتے ہوئے امید ظاہر کی کہ وہ اپنی انتظامی صلاحیتوں اور پیشہ ورانہ تجربے کو بروئے کار لاتے ہوئے ہسپتال کے انتظامی امور کو مزید بہتر بنانے میں اپنا کلیدی کردار ادا کریں گے۔
گفتگو کرتے ہوئے شرکاء کا کہنا تھا کہ سرکاری ہسپتال عوام کو صحت کی بنیادی اور ضروری سہولیات فراہم کرنے میں اہم کردار ادا کرتے ہیں۔ اس لیے ہسپتال کے انتظامی معاملات میں بہتری، مریضوں کو بروقت طبی سہولیات کی فراہمی، صفائی ستھرائی کے مؤثر انتظامات اور مریضوں و لواحقین کو درپیش مسائل کے حل کے لیے مؤثر اقدامات انتہائی ضروری ہیں۔
ڈاکٹر عبدالعلیم کھوسو نے مبارکباد اور نیک خواہشات پر تمام مہمانوں کا شکریہ ادا کرتے ہوئے اس عزم کا اظہار کیا کہ وہ اپنی ذمہ داریوں کو دیانت داری، محنت اور خلوص کے ساتھ ادا کریں گے۔ ملاقات کے اختتام پر تمام شرکاء نے ان کی کامیابی، صحت اور ادارے کی ترقی و بہتری کے لیے دعا کی۔