وزیراعلیٰ مریم نواز سے ایشیئن ڈویلپمنٹ بینک کے نائب صدر کی ملاقات،پانی ، زراعت اور تعلیم کے شعبوں میں مل کر چلنے پر اتفاق

لاہور:وزیراعلیٰ پنجاب مریم نواز سے گزشتہ روز (جنوبی، مرکزی اور وسطی ایشیا)، ایشین ڈویلپمنٹ بینک کے نائب صدرینگ منگ یانگ نے ملاقات کی۔ وزیراعلیٰ مریم نواز شریف نےا یشیئن ڈویلپمنٹ بینک کے نائب صدرینگ منگ یانگ کا خیر مقدم کیا۔ ایشیئن ڈویلپمنٹ بینک کے نائب صدر نے پرتپاک میزبانی پر وزیراعلیٰ مریم نواز کا شکریہ ادا کیا۔ اے ڈی بی کے نائب صدر نے وزیر اعلیٰ مریم نواز کے عوامی خدمت کے ویژن اور سپیڈ کو سراہا۔

ملاقات میں پینے کے صاف پانی کی فراہمی، زراعت، ٹیکنیکل ہنر، صحت اور تعلیم جیسے اہم شعبوں میں مل کر چلنے پر اتفاق کیا گیا۔ اس موقع پر کارڈیک ہسپتال، چلڈرن ہسپتال اور کینسر ہسپتال پرایشیئن ڈویلپمنٹ بینک کی معاونت کی ضرورت پر زور دیا گیا۔ وزیراعلیٰ مریم نواز نے ”پنجاب ایگری فوڈ انویسٹمنٹ فورم“ کے انعقاد پراے ڈی پی سے اظہار تشکرکیا۔ ملاقات میں نرسنگ تعلیم، سکولوں میں سٹیم لیبز کے قیام اورکسانوں کو زرعی مشینری کے لیے تین رعایتی قرضوں کے معاہدوں پر بات چیت کی گئی۔ وزیراعلیٰ مریم نواز نے کہا کہ پنجاب میں تمام پراجیکٹس تیزی سے تکمیل کی راہ پر گامزن ہیں۔ اگلے سال تک اے ڈی پی کی معاونت سے مزید2 ہزار الیکٹرو بسیں سڑکوں پر دوڑتی نظر آئیں گی۔ہیلتھ پراجیکٹس ہماری ترجیحات میں شامل ہیں، عوام کی سہولت کے لئے جلد مکمل کریں گے۔ زراعت کی بہتری اور معاشی ترقی کے منصوبے پنجاب اکنامک ٹرانسفارمیشن پلان کو گیم چینجر قرار دیا۔
وزیرعلیٰ مریم نواز نے کہا کہ تیل کے بیجوں، دالوں اور پھلوں کی کاشت بڑھانے، زرعی فنانس اور کولڈ چینز بہتر کرنے پر توجہ دے رہے ہیں۔ اے ڈی بی کے ساتھ پاکستان کی مضبوط اور طویل مدتی شراکت داری کو مزید مستحکم کرنا چاہتے ہیں۔ پنجاب پاکستان کی فوڈ باسکٹ، بڑھتی ہوئی ورک فورس کے ساتھ صنعتی ترقی کا ہب ہے۔ پنجاب حکومت وسیع اصلاحاتی ایجنڈا، مضبوط حکمرانی، بہتر سروس کی فراہمی، اقتصادی بحالی اور ترقی پر مرکوز ہے۔ PIVOTکے تحت صوبے میں ویلیو ایڈیشن، برآمدات، مہارتوں کی ترقی اور پرائیویٹ سیکٹر کی سرمایہ کاری کو بڑھارہے ہیں۔