لاہور:آزاد جموں و کشمیر کے نومنتخب وزیراعظم چوہدری افتخار گیلانی نے لاہور میں وزیراعلیٰ پنجاب مریم نواز شریف سے ایک اہم ملاقات کی۔ وزیراعلیٰ ہاؤس آمد پر مریم نواز شریف نے آزاد کشمیر کے وزیراعظم کا استقبال کیا اور انہیں منصبِ وزارتِ عظمیٰ سنبھالنے پر دل کی گہرائیوں سے مبارکباد پیش کرتے ہوئے ان کے لیے نیک خواہشات کا اظہار کیا۔
Newly elected Prime Minister of Azad Jammu and Kashmir Iftikhar Gilani meets Punjab Chief Minister Maryam Nawaz. pic.twitter.com/7A3SOGbrxG
— Murtaza Ali Shah (@MurtazaViews) August 31, 2026
ملاقات کے دوران دونوں رہنماؤں کے درمیان باہمی دلچسپی کے امور، خطے کی سیاسی صورتحال اور عوامی فلاح و بہبود کے مختلف منصوبوں پر تفصیلی تبادلہ خیال کیا گیا۔ اس موقع پر گفتگو کرتے ہوئے وزیراعلیٰ پنجاب مریم نواز شریف کا کہنا تھا کہ آزاد کشمیر کے عوام کی ترقی اور خوشحالی پاکستان کے ہر شہری کے دل کے قریب ہے، اور پنجاب حکومت کشمیری بھائیوں کو صحت، تعلیم اور بنیادی سہولیات کی فراہمی کے لیے ہر ممکن تعاون جاری رکھے گی۔
آزاد کشمیر کے وزیراعظم افتخار گیلانی نے پنجاب میں جاری ترقیاتی و فلاحی اقدامات کو سراہتے ہوئے کہا کہ مریم نواز شریف کی عوامی دوست پالیسیاں پورے ملک کے لیے ایک بہترین مثال ہیں۔ ملاقات کے آخر میں دونوں رہنماؤں نے باہمی رابطوں کو مزید مستحکم کرنے اور عوامی سطح پر اشتراکِ عمل کو وسعت دینے کے عزم کا اعادہ کیا۔
لاہور کی ٹریفک مینجمنٹ میں بہتری وزیراعلی مریم نوازشریف کے ویژن کا اہم حصہ ہے۔ وزیراعلی نے ستھرا پنجاب کی گاڑیوں سمیت ہر ٹریفک کو قوانین کا پابند بنانے، معروف سڑکوں پر بائیک لین، زیبرا کراسنگ کی ڈیجیٹل نگرانی، مال بردار گاڑیوں کو کور کرنے اور اوورلوڈنگ کے خلاف کارروائی کی ہدایت… pic.twitter.com/H60NPZEBBq
— Marriyum Aurangzeb (@Marriyum_A) August 31, 2026
قبل ازیں وزیراعلی مریم نواز شریف نے ٹریفک مینجمنٹ کے حوالے سے اہم اجلاس کی صدارت کی جس میں اعلی حکام نے شرکت کی ،
لاہور کی ٹریفک مینجمنٹ میں بہتری وزیراعلی مریم نوازشریف کے ویژن کا اہم حصہ ہے۔ وزیراعلی نے ستھرا پنجاب کی گاڑیوں سمیت ہر ٹریفک کو قوانین کا پابند بنانے، معروف سڑکوں پر بائیک لین، زیبرا کراسنگ کی ڈیجیٹل نگرانی، مال بردار گاڑیوں کو کور کرنے اور اوورلوڈنگ کے خلاف کارروائی کی ہدایت کی۔ لاہور کی گلوبل ٹریفک رینکنگ 149 سے 29ویں نمبر پر آنا حکومتی اقدامات کی کامیابی ہے۔