دیر بالا(بیورو چیف ریاض ابوال خیل)
آئی جی خیبرپختونخوا ذوالفقار حمید اور آر پی او ملاکنڈ سید فدا حسن شاہ کے احکامات کی روشنی میں ڈی پی او دیر بالا اسلم نواز نے تھانہ واڑی میں نئے پولیس میس ہال کا افتتاح کیا۔
ڈی پی او دیر بالا نے میس کا تفصیلی معائنہ کرتے ہوئے خوراک کے معیار، مینیو، صفائی، کچن اور دیگر انتظامات کا جائزہ لیا۔ ایس ڈی پی او سرکل واڑی فخر عالم خان نے میس کے انتظامات اور اہلکاروں کو فراہم کی جانے والی سہولیات پر بریفنگ دی۔
اس موقع پر ڈی پی او دیر بالا نے پولیس اہلکاروں کے ساتھ بیٹھ کر کھانا کھایا اور خوراک کے معیار و صفائی پر اطمینان کا اظہار کیا۔ڈی پی او دیر بالا اسلم نواز نے کہا کہ پولیس اہلکار محکمہ کا قیمتی سرمایہ ہیں،
ان کی فلاح و بہبود، صحت اور معیاری خوراک کی فراہمی اولین ترجیحات میں شامل ہے۔ معیاری پولیس میس کے قیام سے اہلکاروں کے مورال، صحت اور پیشہ ورانہ استعداد میں بہتری آئے گی۔
