تلمبہ (رپورٹ: رانا فیصل)
تھانہ تلمبہ کی حدود چک نمبر 11/8اے ا رمیں گھریلو تنازع پر مبینہ طور پر خاوند نے درانتی کے وار کر کے اپنی بیوی کو بے دردی سے قتل کر دیا۔واقعے کی اطلاع ملتے ہی ڈی ایس پی میاں چنوں اور ایس ایچ او تھانہ تلمبہ مہر اخلاق احمد لنگراہ بھاری پولیس نفری کے ہمراہ فوری طور پر موقع پر پہنچ گئے۔ پولیس نے جائے وقوعہ کو تحویل میں لے کر شواہد اکٹھے کرنا شروع کر دیے ہیں جبکہ لاش کو پوسٹ مارٹم کے لیے ہسپتال منتقل کر دیا گیا ہے۔پولیس حکام کے مطابق ملزم واقعے کے بعد موقع سے فرار ہونے میں کامیاب ہو گیا، جس کی گرفتاری کے لیے چھاپے مارے جا رہے ہیں۔ پولیس کا کہنا ہے کہ واقعے کی تمام پہلوؤں سے تفتیش جاری ہے اور قانون کے مطابق سخت ترین کارروائی عمل میں لائی جائے گی۔