محمد اشفاق پسرور
سیالکوٹ–نارووال تحصیل پسرور ریلوے سیکشن پر واقع الہڑ ریلوے اسٹیشن آج خاموشی کی تصویر بنا ہوا ہے۔یہ ریلوے اسٹیشن جو تحصیل پسرور کے گاؤں الڑ میں واقعہ ہے یہ ریلوے اسٹیشن تاریخ قدیم کی عکاسی کرتا ہےکبھی یہاں ریل گاڑیوں کی آمدورفت، مسافروں کی چہل پہل اور ریلوے کی رونق ہوا کرتی تھی، مگر آج اس اسٹیشن پر کوئی ریل گاڑی نہیں رکتی۔ ریلوے پلیٹ فارم کی خاموشی میں اب صرف چند من چلے نوجوانوں کی والی بال کھیلنے کی آوازیں سنائی دیتی ہیں۔
الہڑ ریلوے اسٹیشن کی تاریخ 1965ء کی پاک بھارت جنگ سے بھی جڑی ہوئی ہے، جب اس علاقے میں دونوں ممالک کی افواج ایک دوسرے کے آمنے سامنے آ گئی تھیں۔
وقت گزرتا گیا، حالات بدلتے گئے اور کبھی مصروف رہنے والا یہ ریلوے اسٹیشن آج ماضی کی ایک خاموش یادگار بن چکا ہے۔
کچھ ریلوے اسٹیشن منزل نہیں ہوتے، تاریخ کے گواہ ہوتے ہیں۔
