چنیوٹ (فرحان بلال سے)
وزیر اعلیٰ پنجاب محترمہ مریم نواز شریف کے وژن کے مطابق لوگوں کے مسائل حل کرنے کے لیے عملی اقدا مات کا سلسلہ جاری ہے۔ڈسٹرکٹ پولیس آفیسر ڈاکٹر نوید عاطف نے اہم کیسز کے مدعیان کیساتھ ملاقات کی۔اس موقع پر متعلقہ ایس ایچ اوز،تفتیشی افسران اور دیگر افسران بھی موجود تھے۔ڈی پی او نے مدعیان کا موقف سنا،پولیس کاروائی سے متعلق فیڈ بیک لیا۔ڈی پی او نے تفتیشی افسران سے مقدمات کی تفتیش کے حوالے سے استفسار کیا،جدید ٹیکنالوجی،ہیومن ریسورس سمیت تمام وسائل بروئے کار لاتے ہوئے ملزمان کو ٹریس کرنے،میرٹ کی بنیاد پر مقدمات کو یکسو کرنے کی ہدایت کی۔اس موقع پر ڈسٹرکٹ پولیس آفیسر ڈاکٹر نوید عاطف نے گفتگو کرتے ہوئے کہا کہ شہری پولیس سے متعلقہ کسی بھی شکایت کی صورت میں بلاجھجھک میرے دفتر تشریف لائیں۔لوگوں کے مسائل ترجیحی بنیادوں پر حل کئے جارہے ہیں۔تمام وسائل بروئے کار لاتے ہوئے انصاف کی فراہمی،قانون کی بالادستی کو ہرصورت یقینی بنایاجائے گا۔