دیر بالا(بے نقاب بیورو چیف ریاض ابوالخیل) 20
جولائی 2026 کو مین بازار تارپتار میں رشتہ مانگنے کے تنازعہ پر فائرنگ کے نتیجے میں اختر زیب ولد شاہ درویز جاں بحق جبکہ راہگیر حسنین ولد خائستہ رحمن زخمی ہوا تھا۔ واقعے کے بعد ملزم اورنگزیب عرف خورٹ ولد زڑہ ور خان سکنہ اوریا خیل تارپتار روپوش ہوگیا تھا۔واقعے کی اطلاع پر ڈی پی او دیر بالا اسلم نواز (PSP) نے ملزم کی گرفتاری کے لیے ایس ڈی پی او سرکل واڑی کی نگرانی میں ایس ایچ او تھانہ گندیگار لعل بہادر خان پر مشتمل خصوصی تفتیشی ٹیم تشکیل دی۔خصوصی ٹیم نے جدید سائنسی خطوط پر تفتیش کرتے ہوئے ملزم کے گھر پر حسب ضابطہ کارروائی کے دوران اسے گرفتار کرلیا۔ ملزم سے مزید تفتیش جاری ہے۔