لیاقت پور(سٹی رپورٹر)
اسسٹنٹ کمشنر لیاقت پور کے احکامات پر کوئٹہ شاہین ہوٹل کو سیل کردیا گیا گراں فروشی کے خلاف بلا تفریق کارروائی جاری رکھیں گے اشیاء خوردونوش کی قیمتوں میں خود ساختہ اضافہ کرنے والوں سے کوئی رعایت نہیں برتی جائے گی محمد غلام مرتضیٰ اسسٹنٹ کمشنر لیاقت پور تفصیل کے مطابق کچی منڈی ریلوے روڈ پر عرصہ دراز سے کوئٹہ شاہین ہوٹل پر گراں فروشی کی جا رہی تھی اور ہوٹل مالکان کی طرف حکومتی احکامات کی مکمل خلاف ورزی کی شکایت زدعام تھی گزشتہ روز کچی منڈی کے رہائشی ننھا چنٹو پہلوان کوئٹہ شاہین ہوٹل پر روٹی لینے گیا تو ہوٹل مالکان نے حسب روایت روٹی کی زائد قیمت وصول کی اور ننھے چنٹو پہلوان کو ہوٹل بھگا دیا ننھے چنٹو اپنی شکایت لیکر نیشنل پریس کلب لیاقت پور پہنچا جس پر زمہ دار صحافیوں نے اپنی صحافتی زمہ داری نبھاتے ہوئے اسسٹنٹ کمشنر لیاقت پور محمد غلام مرتضیٰ سے رابطہ کیا متعلقہ اسسٹنٹ کمشنر نے واقعہ کا نوٹس لیتے ہوئے سیکرٹری مارکیٹ کمیٹی لیاقت پور و پرائس کنٹرول مجسٹریٹ ملک کرم حسین کو موقع پر بھیجا ملک کرم حسین سیکرٹری مارکیٹ کمیٹی نے تمام واقعہ اور گراں فروشی کی تصدیق ہونے پر کوئٹہ شاہین ہوٹل کو سیل کردیا اور کہا کہ آئندہ بھی گراں فروشوں اور ناجائز منافع خوری کرنیوالوں کے خلاف قانونی کارروائی عمل میں لائی جائے گی اس موقع پر دیگر عمائدین علاقہ بھی موجود تھے