دیربالا(بیور چیف ریاض ابوالخیل)
: موجودہ سیکیورٹی صورتحال کے پیش نظر ڈی سی آفس دیر بالا میں اہم امن جرگہ منعقد ہوا، جس میں ڈسٹرکٹ پولیس آفیسر دیر بالا اسلم نواز، ڈپٹی کمشنر دیر بالا منظور احمد آفریدی اور دوبندو کے معزز مشران نے شرکت کی۔جرگے میں ضلع کی امن و امان کی صورتحال کا جائزہ لیا گیا اور عوام، ضلعی انتظامیہ، پولیس اور دیگر سیکیورٹی اداروں کے درمیان باہمی تعاون کو مزید مضبوط بنانے پر اتفاق کیا گیا۔ شرکاء نے اس عزم کا اعادہ کیا کہ دیر بالا میں پائیدار امن، ترقی اور خوشحالی کے لیے مشترکہ کوششیں جاری رکھی جائیں گی۔جرگے کے اختتام پر وطن عزیز پاکستان کی سلامتی، دیرپا امن اور شہداء کے بلند درجات کے لیے خصوصی دعا کی گئی۔