مودی جی کا "ڈیئر پھرینڈز” انداز الٹا پڑ گیا: فیس بک ویڈیو غائب کیوں ہوئی ؟

نئی دہلی : ڈئیر پھرینڈز!انڈیا کے وزیراعظم نریندر مودی کی فیس بک پر شیئر کی گئی ایک ویڈیو اچانک سوشل میڈیا سے غائب ہو گئی جس کے بعد اس کی وجہ جاننے کی کوششیں شروع ہو گئیں۔
متعدد صارفین کو ویڈیو کھولنے پر یہ پیغام نظر آیا کہ ’یہ مواد آپ کے خطے میں قانونی درخواست کی وجہ سے دستیاب نہیں ہے‘، جس کے بعد مختلف سوالات اٹھنے لگے۔
ٹائمز آف انڈیا کے مطابق یہ ویڈیو وزیراعظم مودی کی جانب سے نوجوانوں، خصوصاً ’جین زی‘ سے خطاب پر مبنی تھی۔
ویڈیو مختصر وقت کے لیے غائب ہونے پر سوشل میڈیا پر مختلف قیاس آرائیاں سامنے آئیں۔
یادرہے اقتدار میں آنے کے بعد پہلی بار نریندرہ مودی ہندوستان میں میم بن چکا ہے اور سب سے دلچسپ بات یہ ھیکہ اس بار مودی جی میم محض دس بارہ سال کے نوعمر بچوں کے ہاتھوں مذاق بنا ہے
دراصل ہوا یہ کہ مودی جی نے ایک ویڈیو جاری کی جسمیں بڈھوں کے اسٹائل میں اس نے موبائل کا فرنٹ کیمرہ کھول کر طلبہ اور جین زی کو ”پھرینڈز“ ( ڈئیر فرینڈز) کہہ کر مخاطب کیا، یعنی اپنے اندر یہ بچوں سے دوستانہ انداز سے بات کرنی کی عمدہ کوشش تھی مگر یہ بھونڈے پن میں یوں تبدیل ہوئی کہ موبائل کے فرنٹ کیمرے کا درست استعمال نہ آنے کے سبب مودی جی کا چہرہ عجیب احمقانہ انداز اختیار کر گیا تو اب صورتحال یہ ھیکہ دس بارہ برس کے بچے بچیاں مودی جی کو سکھا رہے ہیں کہ موبائل کو دونوں ہاتھوں سے پکڑ کر جسم سے قدرے فاصلے پہ رکھا جاتا ہے یوں آپکی آواز اور شکل دونوں بہت اچھی آتی ہیں، ساتھ ہی یہ اصلاح بھی کی ہے کہ ہماری نسل فرینڈز کے بجائے گائیز کا لفظ استعمال کرتی ہے اور دونوں ہاتھوں کی انگلیوں سے الگ طرح کا سلام یا ہائے بولتے ہیں۔
بعد ازاں میٹا نے وضاحت جاری کرتے ہوئے کہا کہ وزیراعظم نریندر مودی کی ویڈیو ’غلطی سے ہٹا دی گئی تھی‘ اور بعد میں اسے دوبارہ بحال کر دیا گیا۔