نوشہرو فیروز: ( رپورٹ ڈسٹرکٹ رپورٹر رجب علی سمون )
نوشہرو فیروز کے علاقے کوڑے جا بھان سے تعلق رکھنے والی سولنگی برادری کے افراد نے ڈاکٹر خلیل احمد پيرزادو کے مبینہ ناروا رویے کے خلاف پریس کلب نوشہرو فیروز کے سامنے احتجاجی مظاہرہ کیا۔ مظاہرین نے شدید نعرے بازی کرتے ہوئے متعلقہ حکام سے فوری کارروائی کا مطالبہ کیا۔مظاہرے کی قیادت اظہار حسین سولنگی ۔صفدر سولنگی۔ خادم سولنگی۔احمدعلی ۔نے کی۔ مظاہرین کا کہنا تھا کہ ان کی برادری کا ایک مریض فہیم سولنگی علاج کی غرض سے ڈاکٹر خلیل احمد پيرزادو کے کلینک گیا، جہاں وہ اپنے ساتھ ڈرپ اور انجیکشن بھی لے کر گیا تھا۔ ان کے مطابق علاج کے بعد ڈاکٹر نے ان سے ان ادویات کی بھی فیس طلب کی جو، مظاہرین کے دعوے کے مطابق، کلینک کی جانب سے استعمال ہی نہیں کی گئی تھیں۔مظاہرین کا کہنا ہے کہ جب مریض نے اس پر اعتراض کیا تو ڈاکٹر نے مبینہ طور پر نہ صرف اس کے ساتھ بدتمیزی کی بلکہ گلے سے پکڑ کر اس کی تذلیل بھی کی۔ مظاہرین نے مزید الزام عائد کیا کہ اس دوران سولنگی برادری کے خلاف بھی نامناسب الفاظ استعمال کیے گئے، جس سے پوری برادری کی دل آزاری ہوئی۔
کے اختتام پر مظاہرین نے خبردار کیا کہ اگر انہیں انصاف نہ ملا تو وہ اپنے احتجاج کا دائرہ مزید وسیع کریں گے۔اس سلسلے میں مذکورہ ڈاکٹرنے کوئی موقف نہ دیا