نواب شاہ (نمائندہ بے نقاب نیوز: نفیس آرائیں)
ڈسٹرکٹ الیکشن کمشنر شہید بینظیرآباد محمد یوسف مجیدانو کی زیرِ صدارت مرد و خواتین ووٹرز کے درمیان صنفی فرق میں کمی، مہم اور قومی شناختی کارڈ کے اجرا و تجدید کے عمل کا جائزہ لینے کے لیے اجلاس منعقد ہوا، جس میں نادرا، تعلیم، صحت، کالجز، لوکل گورنمنٹ، ریونیو، انفارمیشن سمیت دیگر متعلقہ محکموں کے افسران نے شرکت کی۔اجلاس میں خواتین ووٹرز کے اندراج، آگاہی مہم، گھر گھر رابطہ مہم اور نادرا کے تعاون سے شناختی کارڈ کے اجرا و تجدید سے متعلق اقدامات پر بریفنگ دی گئی۔ ڈسٹرکٹ الیکشن کمشنر محمد یوسف مجیدانو نے ہدایت کی کہ متعلقہ ادارے باہمی رابطے کو مزید مؤثر بنائیں، یونین کونسل کی سطح پر آگاہی سرگرمیوں میں تیزی لائیں، خواتین کو کے ذریعے آن لائن درخواست کی سہولت سے آگاہ کریں اور کم رجسٹریشن والے علاقوں پر خصوصی توجہ دی جائے۔
اجلاس کے اختتام پر اس عزم کا اظہار کیا گیا کہ الیکشن کمیشن آف پاکستان اور نادرا کے باہمی تعاون سے جاری مہم کو کامیاب بنا کر زیادہ سے زیادہ اہل خواتین کو قومی شناختی کارڈ اور ووٹر فہرستوں میں شامل کیا جائے گا تاکہ وہ انتخابی عمل میں بھرپور کردار ادا کر سکیں۔