بھگوال(رانا مبشر رضا)
بھگوال گررڈاشٹشن پپلی فیڈ اور گردونواح کے عوام کا کہنا ہے کہ وہ بجلی کے مہنگے ترین بل ادا کرنے کے باوجود بنیادی سہولت سے محروم ہیں۔ بار بار اور طویل لوڈشیڈنگ نے شہریوں کی زندگی اجیرن بنا دی ہے، جبکہ شدید گرمی اور حبس کے موسم میں رات کا سکون بھی چھن گیا ہے۔شہریوں کا کہنا ہے کہ بجلی کی مسلسل بندش سے بزرگ، بچے، مریض اور کاروباری طبقہ شدید مشکلات کا شکار ہیں۔ ایک طرف بجلی کے نرخوں میں مسلسل اضافہ اور بھاری بلوں کا بوجھ برداشت کیا جا رہا ہے، تو دوسری جانب غیر اعلانیہ لوڈشیڈنگ نے عوام کو سخت ذہنی اذیت میں مبتلا کر رکھا ہے۔اہلِ علاقہ نے آئیسکو کے اعلیٰ حکام، چیف ایگزیکٹو آفیسر اور متعلقہ انتظامیہ سے مطالبہ کیا ہے کہ بھگوال سب ڈویژن پر بجلی کی غیر ضروری بندش کا فوری نوٹس لیا جائے، لوڈشیڈنگ کا دورانیہ کم کیا جائے اور صارفین کو بلا تعطل بجلی فراہم کی جائے تاکہ عوام سکھ کا سانس لے سکیں۔