’بوڑھے ہو ہی گئے ‘:کئیوں کو ’’کمینی سی خوشی‘‘، بھائی کی بڑھتی عمر دیکھ کر مداحوں کے ہوش اڑ گئے؛

ممبئی:بالی وُڈ کے ’دبنگ‘ سپر اسٹار سلمان خان ایک بار پھر اپنی فلموں کی بجائے اپنی بدلی ہوئی ظاہری شکل اور صحت سے متعلق قیاس آرائیوں کی وجہ سے سوشل میڈیا کی زینت بن گئے ہیں۔ ممبئی میں ایک فلاحی تقریب کے دوران ان کی تازہ تصاویر وائرل ہوئیں تو مداحوں کو ایک بار پھر ان کی بڑھتی عمر کا احساس شدت سے ہوا۔

سلمان خان نے جمعے کے روز ممبئی میں ’سلم ری ہیبیلیٹیشن اتھارٹی‘ (ایس آر اے) کے تحت منعقدہ تقریب میں شرکت کی، جہاں انہوں نے نئے ڈیٹا کلیکشن اینڈ ویریفیکیشن سپورٹ سینٹر کا افتتاح کیا۔ اس موقع پر اداکار نے 50 سے زائد مستحق خاندانوں میں رہائشی گھروں کی چابیاں تقسیم کیں، اتھارٹی کے حکام سے ملاقات کی اور کچی آبادیوں کی بحالی کے منصوبوں کو سراہا۔ تقریب کے دوران وہ بظاہر خوش گوار موڈ میں نظر آئے اور میڈیا سے ہلکے پھلکے انداز میں گفتگو بھی کی۔
تقریب میں ہلکے زیتونی رنگ کی قمیض اور کلین شیو لُک میں نظر آنے والے سلمان خان کی تصاویر جیسے ہی سوشل میڈیا پر آئیں، مداحوں میں تشویش کی لہر دوڑ گئی۔ 60 سالہ اداکار کی ظاہری حالت دیکھ کر کئی صارفین نے ان کی صحت کے بارے میں خدشات کا اظہار کیا۔ ایک مداح نے لکھا کہ ”بھائی بیمار لگ رہے ہیں، اللہ صحت دے۔“ جبکہ دوسرے نے افسوس کا اظہار کرتے ہوئے کہا کہ ”ہمارا ہیرو واقعی بوڑھا ہو رہا ہے۔“ انٹرنیٹ پر اس بات پر بھی بحث چھڑ گئی کہ آخر ان کے چہرے پر اتنی تبدیلی کیوں محسوس ہو رہی ہے۔تو کئی ان کا تقابل بھارتی وزیراعظم مودی سے کررہے ہیں ان کے پرستاروں کا کہنا ہے کچھ بھی کہو چاہے منفی ہی،، بھائی کی خبر سے آگ تو لگتی ہے۔

Kuch bhi kaho bhai ki photos se social media mein aag toh lagti hai chahe negative way mein ho ya positive.🤣#SalmanKhan pic.twitter.com/bXNvfDutTS

— Basant Khiladi (@Bas_AKKiann) July 20, 2026

میڈیا سے بات کرتے ہوئے سلمان خان نے اپنی مسکراہٹ کے ساتھ صحافیوں کو خبردار کیا کہ ”مجھ سے کچھ بھی پوچھ لیں، بس وہ ایک سوال نہ کریں، اسے پوچھنے کا کوئی فائدہ نہیں۔“ ان کا اشارہ ان کی آنے والی فلم ’ماتروبھومی: مے وار ریسٹ اِن پیس‘ کی جانب تھا، جس کی ریلیز میں تاخیر پر آج کل کافی خبریں گردش کر رہی ہیں۔ یاد رہے کہ اداکار حال ہی میں فلم ’راجا شیواجی‘ میں جیوا مہالا کے مختصر کردار میں نظر آئے تھے، جبکہ اپوروا لاکھیا کی ہدایت کاری میں بننے والی ان کی اگلی فلم میں چترانگدا سنگھ، مکیش رشی اور انکور بھاٹیہ بھی اہم کردار ادا کر رہے ہیں۔