لاہور/اسلام آباد:پاکستان علماء کونسل کے چیئرمین حافظ محمد طاہر محمود اشرفی نے جمعیت علمائے اسلام (جے یو آئی ف) کے سربراہ مولانا فضل الرحمان کے حالیہ بیان پر سخت ردعمل کا اظہار کرتے ہوئے کہا ہے کہ ہم ان کے اعصاب پر مسلط ہو چکے ہیں، تاہم مولانا کو چاہیے کہ وہ کوئی بھی بات کرتے وقت آدھا نہیں بلکہ پورا سچ بیان کریں۔
ہم مولانا فضل الرحمان گروپ کے اعصاب پر مسلط ہو چکے ہیں ۔۔
کاش مولانا پوری بات کرتے۔ جہاں انہوں نے یہ ذکر کیا کہ میں نے ان سے کہا تھا کہ “آپ کا جلسہ بہت اچھا رہا”، وہاں یہ بھی بتا دیتے کہ میں نے اسی وقت یہ بھی کہا تھا کہ “آپ نے کچھ جملے ، کچھ چیزیں سخت کہیں۔۔ ”یہی بات میں نے… https://t.co/BO1vlZD0cH pic.twitter.com/zvbz8pYE5z
— Exact Press International (@ExactPressIntl) July 19, 2026
اپنے ایک بیان میں حافظ طاہر محمود اشرفی کا کہنا تھا کہ کاش مولانا فضل الرحمان اپنی گفتگو میں اس بات کا ذکر بھی پورا کرتے کہ جب انہوں نے ان سے کہا تھا کہ "آپ کا جلسہ بہت اچھا رہا”، تو اسی وقت انہوں نے یہ تنبیہ بھی کی تھی کہ "آپ نے جلسے میں کچھ سخت جملے اور چیزیں کہیں”۔ ان کا کہنا تھا کہ یہی واضح بات انہوں نے مولانا کے رفیقِ خاص مفتی ابرار سے بھی دو مرتبہ گوش گزار کی تھی۔
چیئرمین پاکستان علماء کونسل نے مولانا فضل الرحمان سے گزارش کی کہ سیاست میں حقائق کو مکمل طور پر سامنے لایا جانا چاہیے اور صرف اپنے بیانیے کے ایک حصے کو بیان کرنے سے گریز کرنا چاہئے