چکوال رپورٹ جلیل نقوی
چکوال عوامی پریس کلب چکوال کے بانی چیئرمین ڈاکٹر زاہد عباس چوہدری کی قیادت میں عوامی پریس کلب کے وفد نے بانی چیئرمین تحصیل پریس کلب چوہدری عمران قیصر کی رہائش گاہ پر جا کر ان کی والدہ محترمہ کے انتقال پر گہرے رنج و غم کا اظہار کیا وفد نے مرحومہ کے ایصال ثواب کے لیے فاتحہ خوانی کی اور اللہ تعالیٰ کے حضور دعا کی کہ مرحومہ کو اپنی جوار رحمت میں اعلیٰ مقام عطا فرمائے اور جنت الفردوس میں بلند درجات نصیب فرمائے جبکہ سوگوار خاندان کو یہ عظیم صدمہ صبر و استقامت کے ساتھ برداشت کرنے کی توفیق عطا فرمائےاس موقع پر وفد کے اراکین نے چوہدری عمران سے دلی تعزیت کرتے ہوئے کہا کہ والدہ کا سایہ انسان کے لیے اللہ تعالیٰ کی بہت بڑی نعمت ہوتا ہے اور ان کا دنیا سے رخصت ہونا ناقابل تلافی نقصان ہے ایسے غم کی گھڑی میں عوامی پریس کلب چکوال پوری طرح ان کے ساتھ کھڑا ہے اور ان کے دکھ کو اپنا دکھ سمجھتا ہے تعزیتی وفد میں عوامی پریس کلب چکوال کے بانی چیئرمین ڈاکٹر زاہد عباس چوہدری، جنرل سیکرٹری آصف علی نائیک، صدر ممتاز احمد راجپوت اور وائس چیئرمین صفدر ملک شامل تھے جنہوں نے مرحومہ کے درجات کی بلندی اور اہل خانہ کے لیے صبر جمیل کی خصوصی دعا بھی کی