بلوچستان رحمت اللہ بلوچ بیوروچیف بے نقاب نیوز)
کوئٹہ میں وزیراعظم محمد شہباز شریف کی زیر صدارت نیشنل ایکشن پلان کی صوبائی ایپکس کمیٹی کا اجلاس شروع ہوگیا۔ اجلاس میں چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر، گورنر بلوچستان جعفر خان مندوخیل، وزیر اعلی بلوچستان میر سرفراز بگٹی، اور قانون نافذ کرنے والے اداروں کے سربراہان شریک ہیں اجلاس میں وفاقی وزرا احد خان چیمہ، عطا اللہ تارڑ اور وزیراعظم کے مشیر رانا ثنا اللہ بھی شریک ہیںوزیراعظم شہباز شریف نے اجلاس سے خطاب کرتے ہوئے کہاکہ ایک فیصلہ سنانا چاہتا ہوں کہ بلوچستان سے بدامنی کا خاتمہ کریں گے ۔دہشتگردی کے فتنے کے خاتمے کیلئے تمام وسائل بروئے کار لائیں گے سیاسی و عسکری قیادت دہشتگردی کے خاتمے کیلئے یکسو ہے ۔گرزشتہ سال مئی کے معرکہ حق میں پاکستان کی کامیابی دشمن کو ہضم نہیں ہورہی ہے۔پاکستان کی سفارتی کامیابیاں بھی دشمنوں کو ہضم نہیں ہورہیں ہمارا مشرقی ہمسایہ دہشتگردی کی کارروائیوں میں ملوث ہے دہشتگرد تنظیموں کو اسلحہ فراہم کیا جارہا ہے دہشتگرد افغان سرزمین استعمال کررہے ہیںپوری قوم اپنی بہادر مسلح افواج کے شانہ بشانہ کھڑی ہے ۔شہدا کی قربانیاں جلد رنگ لائیں گی پاکستان جلد ترقی و خوشحالی کا گہوارہ بنے گا۔