لاہور/کراچی:پاکستان میں موجود امریکی مشن نے ایک اہم پیش رفت کے تحت لاہور اور کراچی میں واقع اپنے قونصل خانوں میں قونصلر خدمات کی مکمل بحالی کا اعلان کر دیا ہے۔ سیکیورٹی خدشات کے پیشِ نظر عارضی طور پر معطل کی گئی ان خدمات کی بحالی کے بعد ویزا کے خواہش مند افراد اور امریکی شہریوں نے سکھ کا سانس لیا ہے۔
Great news, Pakistan! The U.S. Consulates in Lahore and Karachi are reopening for regular consular services. Lahore for U.S. Citizen Services and Karachi for U.S. Citizen Services + Non-Immigrant Visa Processing. Whether you are applying for a visa or need American citizen… pic.twitter.com/c93D7CoaeP
— U.S. Embassy Islamabad (@usembislamabad) July 8, 2026
امریکی سفارت خانے کی جانب سے جاری کردہ بیان کے مطابق، بدھ سے دونوں شہروں میں معمول کی دفتری سرگرمیاں دوبارہ شروع ہو گئی ہیں۔
لاہور: یہاں موجود قونصل خانہ امریکی شہریوں کے لیے خصوصی خدمات فراہم کر رہا ہے۔
کراچی: یہاں امریکی شہریوں کے علاوہ ‘غیر تارکینِ وطن’ (Non-Immigrant) ویزوں کی پروسیسنگ کا سلسلہ بھی دوبارہ شروع کر دیا گیا ہے۔
درخواست گزاروں کے لیے ہدایات:
امریکی مشن نے ان تمام افراد کو جو ویزا یا دیگر قونصلر خدمات کے متلاشی ہیں، مشورہ دیا ہے کہ وہ کسی بھی قسم کی غلط فہمی سے بچنے کے لیے امریکی سفارت خانے کی سرکاری ویب سائٹ کا دورہ کریں۔ وہاں سے ملاقات کا وقت (Appointment) لینے اور دستیاب سروسز کے بارے میں تازہ ترین معلومات حاصل کی جا سکتی ہیں۔
یاد رہے کہ حالیہ کچھ عرصہ قبل سیکیورٹی کی صورتحال کے تناظر میں ان قونصل خانوں میں خدمات کو محدود یا معطل کر دیا گیا تھا، جس کی وجہ سے ویزا درخواست گزاروں کو مشکلات کا سامنا تھا۔ اب معمول کی کارروائیوں کی بحالی سے ویزا کے منتظر امیدواروں اور مقامی سطح پر موجود امریکی شہریوں کو درپیش مسائل حل ہونے کی توقع ہے۔