نواب شاہ: (رپورٹ نفیس آرائیں)
مہران ہائی وے پر لاشاری اسٹاپ، ڈھولو مائنر اور جیمس شاخ آباد گارو کے پانی کی عدم فراہمی کے خلاف احتجاجی مظاہرہ کیا گیا۔احتجاج کی قیادت یوسی چیئرمین بلاول کیریو نے کی۔ مظاہرین نے مہران ہائی وے پر سڑک بلاک کرکے انتظامیہ کے خلاف شدید نعرے بازی کی اور مطالبہ کیا کہ علاقے میں پانی کی فراہمی کے مسائل فوری طور پر حل کیے جائیں۔احتجاج میں کاشتکاروں کی بڑی تعداد نے شرکت کی۔ مظاہرین کا کہنا تھا کہ پانی کی قلت کے باعث انہیں شدید مشکلات کا سامنا ہے، اس لیے انتظامیہ فوری اقدامات کرے تاکہ عوام کو ریلیف مل سکے۔