سیالکوٹ(سلیم احمد اعوان شیخو)
شدید گرمی کی لہر کے باعث وزیر دفاع خواجہ محمد آصف موترہ نہر پر پہنچ گئے۔یہاں انہوں نے جامکے چیمہ پل سے نہر میں چھلانگ لگا کر تیراکی کی۔خواجہ آصف کی آمد پر پارلیمانی سیکرٹری برائے تعلیم پنجاب و رکن صوبائی اسمبلی چودہری نوید اشرف سابق صوبائی اسمبلی پنجاب چودہری جمیل اشرف اور سابق ممبر صوبائی اسمبلی پنجا چودہری محسن اشرف نے ان کا استقبال کیا اور تقریب کی میزبانی کی۔اس موقع پر صوبائی وزیر محنت و افرادی قوت محمد منشاءاللہ بٹ صوبائی وزیر بلدیات پنجاب میاں ذیشان رفیق ممبر صوبائی اسمبلی پنجا ب چودہری فیصل اکرام خواجہ ٹیپو سلطان اور رانا وحید سمیت مسلم لیگ (ن) کے مقامی رہنما کارکن اور شہریوں کی بڑی تعداد بھی موجود تھی۔
خواجہ محمد آصف نے جامکے چیمہ پل سے موترہ نہر میں چھلانگ لگائی اور کافی دیر تک تیراکی کرتے رہے۔ نہر کے کنارے موجود افراد نے ان کا خیرمقدم کیا
تقریب خوشگوار ماحول میں منعقد ہوئی جبکہ وزیر دفاع کی نہر میں تیراکی دیکھنے کے لیے شہریوں کی بڑی تعداد بھی جمع ہوگئی۔