کاہنہ: کچوانہ روڈ پر ٹیوشن سنٹر کی چھت گرنے سے 20 سے زائد بچے اور ایک ٹیچر زخمی، امدادی ٹیموں نے اسپتال منتقل کردیا۔ متعدد بچوں کی حالت نازک ہے۔ ایک نجی ٹی وی چینل کے مطابق حادثے میں 14 بچے جاں بحق ہوچکے ہیں۔
رپورٹ کے مطابق واقعے کی اطلاع ملتے ریسکیو اور متعلقہ ادارے جائے حادثہ پر پہنچ گئے امدادی سرگرمیوں جاری ہیں ۔ زخمیوں کو ہسپتال منتقل کیا جا رہا ہے ۔کمرے کی چھت ٹی آر گارڈر کی بنی تھی۔ چھت گرنے کے بعد علاقے میں خوف و ہراس پھیل گیا۔ سما ٹی وی چینل کے مطابق 14 بچے جاں بحق ہوچکے ہیں،
ذرائع کے مطابق وزیر اعلی پنجاب مریم نواز شریف نے صوبائی وزراء کو فوری طور پر جائے حادثہ پر پہنچنے کی ہدایت کی ہے، بچوں کی عمریں 8 تا 10سال بتائی جارہی ہیں،قامی لوگوں کا کہنا ہے کہ یہاں 35 بچے ٹیوشن پڑھنے آتے تھے۔اطلاعات ہیں کہ کئی بچے جاں بحق ہوچکے ہیں، اسپتال ذرائع کا کہنا ہے کہ سات سے آٹھ بچوں کی حالت نازک ہے۔امدادی ادارے اوزاروں کے بجائے ہاتھوں سے مٹی ہٹانے کو ترجیح دے رہے ہیں تاکہ پھنسے بچوں کو نقصان نہ پہنچے، آپریشن مکمل ہونے میں مزید ڈھائی سے تین گھنٹے لگ سکتے ہیں۔ہسپتال ذرائع کا کہنا ہےکہ نکالے گئے بیس میں سے 14 بچے جاں بحق ہوچکے ہیں جب کہ چھ کی حالت خطرے سے باہر ہے۔
وزیراعظم شہباز شریف نے اس واقعے پر افسوس کا اظہار کرتے ہوئے زخمی ہونے والوں کی جلد صحت یابی کی دعا کی اور انھیں ’ہر ممکن طبی امداد فراہم کرنے کی ہدایت کی ہے۔‘