چنیوٹ(بیوروچیف کی رپورٹ)
ضلع بھر میں 09 محرم الحرام کو 37 جلوس،73 مجالس کا انعقاد ہو رہا ہے ضلع بھر میں ایک ہزار سے زائد پولیس افسران و جوان سیکیورٹی کے فرائض سر انجام دے رہے ہیں تمام مجالس جلوسوں پر فول پروف سیکیورٹی انتظامات کو یقینی بنایا جا رہا ہے،سپروائزری افسران چیکنگ کر رہے ہیں ڈی پی او ڈاکٹر نوید عاطف نے چنیوٹ شہر کا دورہکیا ،مجالس جلوسوں پر سیکیورٹی انتظامات کا جائزہ لیا۔ ڈی پی او نے منتظمین سے ملاقات کی ، سیکیورٹی و دیگر انتظامات سے متعلق تبادلہ خیال کیا ۔ڈی پی او ڈاکٹر نوید عاطف کا کہناتھاکہمجالس جلوسوں کی سی سی ٹی وی کیمروں ، کنٹرول روم کے ذریعے مانیٹرنگ کی جا رہی ہے مجالس, جلوسوں پر فور لیئر سیکیورٹی انتظامات کو یقینی بنایا جا رہا ہے۔ اہم جلوسوں پر واک تھروگیٹ، سی سی ٹی وی کیمرے نصب اور ایلیٹ فورس کی نفری تعینات، ڈی پی او شرکا کی واک تھرو گیٹس ، میٹل ڈیٹیکٹر ، فزیکل سرچ کے ذریعے چیکنگ کی جا رہی ہے سیف سٹی چنیوٹ ، ضلعی انتظامیہ کنٹرول روم کے ذریعے مجالس جلوسوں کی نگرانی کی جا رہی ہے محرم الحرام کے حوالے سے حکومتی ضابطہ اخلاق پر عملدرآمد یقینی بنایا جا رہا ہے، تمام وسائل بروئے کار لاتے ہوئے امن وامان برقرار رکھا جائے گا۔