شیخوپورہ (رپورٹ اسامہ طفیل)
شیخوپورہ ترجمان پولیس کے مطابق واقعے کو انتہائی سنجیدگی سے لیا گیا ہے اور ملزم کے خلاف بلاامتیاز قانونی و محکمانہ کارروائی عمل میں لائی جا رہی ہے۔ڈی پی او شیخوپورہ بلال ظفر شیخ نے واقعے کا نوٹس لیتے ہوئے واضح کیا ہے کہ کوئی بھی شخص قانون سے بالاتر نہیں، اور جو بھی قانون کو اپنے ہاتھ میں لے گا اس کے خلاف سخت کارروائی کی جائے گی ان کا کہنا تھا کہ پولیس وردی قانون کی پاسداری اور شہریوں کے تحفظ کے لیے ہے، نہ کہ قانون شکنی کے لیے۔ڈی پی او شیخوپورہ نے اس واقعے کو قابلِ مذمت اور غیر ذمہ دارانہ فعل قرار دیتے ہوئے کہا کہ ایسے غیر قانونی اقدامات کسی صورت برداشت نہیں کیے جائیں گے۔ ان کے مطابق ملزم کو اس کے سنگین فعل پر قرار واقعی جوابدہ ٹھہرایا جائے گا اور قانون اپنا راستہ اختیار کرے گا پولیس حکام کا کہنا ہے کہ عوام کے جان و مال کا تحفظ اولین ترجیح ہے، جبکہ اختیارات کے ناجائز استعمال پر زیرو ٹالرنس پالیسی کے تحت کارروائی جاری رہے گی۔