کیلیفورنیا: میٹا پلیٹ فارمز نے ایسیلور لکسوٹیکا (EssilorLuxottica) کے اشتراک سے اپنی نئی اے آئی (AI) سے لیس اسمارٹ گلاسز متعارف کروا دی ہیں۔
یہ نئی مصنوعات اپنی جدید خصوصیات کے ساتھ ساتھ اسٹائل اور فیشن کا ایک بہترین مجموعہ ہیں۔ کمپنی کی جانب سے جاری کردہ تفصیلات کے مطابق، نئی ’میٹا گلاسز‘ (Meta Glasses) کل 26 مختلف اسٹائلز میں دستیاب ہوں گی، جن میں رنگوں، فریم کی اشکال اور لینسز کے وسیع انتخاب کو شامل کیا گیا ہے۔
Our new Meta Glasses are launching with 26 styles across a range of colors, lenses, and frames, so there’s a pair of Meta Glasses for just about any look.https://t.co/rhqz5aiTf4 pic.twitter.com/5WKemyr4mx
— Meta Newsroom (@MetaNewsroom) June 23, 2026
اس سیریز میں تین مرکزی فریم ڈیزائن پیش کیے گئے ہیں:
میٹا ایڈونچر (Meta Adventurer): ایک مستطیل (Rectangle) شکل کا فریم جو اسے ہر موقع کے لیے موزوں بناتا ہے۔
میٹا فیوری (Meta Fury): بولڈ اور نمایاں ڈیزائن کے خواہشمند افراد کے لیے ایک منفرد فریم۔
میٹا گلاسز بائے کائلی (Meta Glasses by Kylie): میڈیا شخصیت کائلی جینر کے ساتھ اشتراک سے تیار کردہ ایک پتلا بیضوی (Oval) ڈیزائن۔
Introducing Meta Glasses by @KylieJenner. A new way to see and share your world. pic.twitter.com/znWfjHjEH3
— Instagram (@instagram) June 23, 2026
ان گلاسز کو کلاسک بلیک، ٹارٹائز، ریسنگ گرین، لینن، میرلوٹ، مہوگنی اور سینڈ اسٹون جیسے دیدہ زیب رنگوں میں پیش کیا گیا ہے۔
جدید ترین اے آئی (Muse Spark)یہ نئی گلاسز میٹا کی جانب سے پہلی ایسی اسمارٹ ویئر ہیں جن میں ‘میوز اسپارک’ (Muse Spark) اے آئی ماڈل کو لانچ کے پہلے دن سے ہی شامل کیا گیا ہے۔ یہ ماڈل صارفین کو اپنے اردگرد کی دنیا کو بہتر طریقے سے سمجھنے، سوالات کے جوابات حاصل کرنے اور روزمرہ کے کاموں میں مدد فراہم کرنے کی صلاحیت رکھتا ہے۔
اہم خصوصیات
بہتر کیمرہ: گلاسز 12 میگا پکسل الٹرا وائیڈ کیمرے سے لیس ہیں جو تصاویر اور 3K ویڈیوز بنانے کی صلاحیت رکھتے ہیں۔
بیٹری لائف: ایک بار مکمل چارج کرنے پر 8 گھنٹے سے زائد کا استعمال، جبکہ ساتھ آنے والا فولڈ ایبل چارجنگ کیس 40 گھنٹے تک کی اضافی بیٹری فراہم کرتا ہے۔
آرام دہ فٹ: صارفین اپنی سہولت کے مطابق ناک کے پیڈز (Nose pads) اور ٹیمپل ٹپس کو ایڈجسٹ کر سکتے ہیں۔
لائیو ترجمہ: اس میں 14 نئی زبانوں (بشمول اردو ) کے لیے لائیو ٹرانسلیشن کی سہولت بھی شامل کی گئی ہے۔
گلاسز کی قیمت 299 ڈالر سے شروع ہوتی ہے۔ یہ گلاسز آج سے میٹا کی آفیشل ویب سائٹ کے علاوہ بیسٹ بائے، ایمیزون، لینس کرافٹرز اور سن گلاس ہٹ جیسے ریٹیل اسٹورز پر فروخت کے لیے پیش کر دی گئی ہیں۔ کمپنی کا کہنا ہے کہ یہ نیا مجموعہ نہ صرف ٹیکنالوجی کے شوقین افراد کے لیے ہے بلکہ ان لوگوں کے لیے بھی ہے جو فیشن اور روزمرہ کے استعمال میں جدت کو ترجیح دیتے ہیں۔