سیالکوٹ (سلیم احمد اعوان شیخو)
ڈسٹرکٹ بار ایسوسی ایشن سیالکوٹ کے صدر سعید احمد بھلی سیکرٹری چودہری شہباز شمس نے کہا ہے کہ محرم الحرام امن و اخوت بھائی چارہ اور صبر کا درس دیتا ہے پوری قوم کواتحاد کا مظاہرہ کرناچاہئیے جبکہ واقعہ کربلا تاریخ انسانی کا ایک دلخراش واقعہ ہی نہیں بلکہ ظلم و بربریت اور درندگی کی ایسی داستان ہے جسے کبھی فراموش نہیں کیا جاسکتا نواسہ رسول صلی اللہ علیہ وآلہ وسلم نے جو لازوال قربانی دی وہ مسلمانوں کے لئے تاقیامت رہے گی محرم الحرام کی شہادتیں حق گوئی اور باطل کے خلاف ڈٹ جانے کا عظیم درس دیتی ہیں۔ ان خیالات کا اظہار صدر و سیکرٹری نے محرم الحرام کے حوالے سے منعقدہ تقریب سے خطاب کرتے ہوئے کیا۔ اس موقع پر سینئر نائب صدر اظہر عباس بھٹی، نائب صدر گل دیبا ساہی، جوائنٹ سیکرٹری ملک دانش علی اعوان، فنانس سیکرٹری چودہری لیاقت علی گجر، لائبریری سیکرٹری قاسم احسان بھلی،قمر ضیاء ہرڑ، ذیشان باجوہ کے علاوہ وکلاء کی کثیر تعداد موجو دتھی۔صدر و سیکرٹری نے کہا ہے کہ محرم الحرام ہمیں اخوت رواداری یکا نگت اور بھائی چارے کا درس دیتا ہے ہمیں اس مقدس ماہ میں اپنے تمام اختلافات بھلا کر دین اسلام کی سربلندی کے لئے اپنے آپ کو وقف کر دینا چاہئیے اور واقعہ کربلا کو مشعل راہ بناکر انسانیت کی خدمت کو اپنا مقصد بنایا جائے۔