سیالکوٹ (سلیم احمد اعوان شیخو)
اتحاد بین المسلمین وقت کی ا ہم ضرورت ہے، علماء کرام معاشرے میں بھائی چارے، اتحاد و اتفاق کے فروغ کیلئے اپنا بنیادی کردار ادا کریں تو معاشرہ امن اور سلامتی کا گہوارہ بن سکتا ہے ۔ ان خیالات کا اظہار اراکین اسلامی نظریاتی کونسل پاکستان ڈاکٹر عزیز محمود الوری (کراچی) اور پروفیسر ڈاکٹر عبد الغفور راشد ( لاہور) نے ڈپٹی کمشنر آفیس کے کانفرنس روم می ضلعی امن کمیٹی سیالکوٹ کے محرم الحرام کے سلسلہ میں خصوصی اجلاس سے خطاب کرتے ہوئے کہی۔ صدر مجلس ایڈیشنل ڈپٹی کمشنر جنرل نعیم بشیر نے ضلعی امن کمیٹی نے اسلامی نظریاتی کونسل پاکستان کے اراکین کو ڈسٹرکٹ ایڈمنسٹریشن کی جانب استقبالیہ پیش کرتے ہوئے کہا کہ ضلعی سیالکوٹ میں تمام مسالک اور مزاہب کے مابین ہم آہنگی مثالی ہے اجلاس میں ایس ڈی پی او صہیب احمد، انچارج سیکیورٹی برانچ حافظ سعید، چیف آفیسر میونسپل کارپوریشن زبیر وٹو، کوآرڈینیٹر ضلعی امن کمیٹی حافظ اصغر علی چیمہ، مفتی کفایت اللہ شاکر، مولانا محمد ایوب ثاقب، حافظ غلام محی الدین جیلانی، ظفر عباس، ایوب اوپل، مولانا مصدق قاسمی کے علاؤہ تمام مکاتب فکر کے علماء کرام نے اجلاس میں شرکت کی ۔اجلاس کے آخر میں ملکی سلامتی اور استحکام کیلئے خصوصی دعا کی گئی۔