بلوچستان رحمت اللہ بلوچ بیوروچیف بے نقاب نیوز نیٹورک)
ضلع نوشکی سے افسوسناک خبر سامنے آئی ہے جہاں احمد وال چوک پر نامعلوم مسلح افراد نے اندھا دھند فائرنگ کر کے کاؤنٹر ٹیررازم ڈیپارٹمنٹ سی ٹی ڈی کے پولیس اہلکار ماما افضل محمد حسنی کو شہید کر دیا۔ واقعے کے بعد ملزمان موقع سے فرار ہونے میں کامیاب ہو گئے۔واقعے کی اطلاع ملتے ہی پولیس نے فوری کارروائی کرتے ہوئے لاش کو قبضے میں لے کر ہسپتال منتقل کیا۔ جہاں ضروری قانونی و طبی کارروائی کے بعد میت کو ورثاء کے حوالے کر دیا گیا ہے۔ پولیس نے نامعلوم افراد کے خلاف مقدمہ درج کر کے ملزمان کی تلاش اور واقعے کی تحقیقات شروع کر دی ہیں۔