نواب شاہ (رپورٹ: نفیس آرائیں
میئر میونسپل کارپوریشن شہید بینظیر آباد قاضی محمد رشید بھٹی کی زیر صدارت میونسپل کارپوریشن ہال میں محرم الحرام کے انتظامات کے حوالے سے اہم اجلاس منعقد ہوا۔اجلاس میں تمام مکاتب فکر سے تعلق رکھنے والے علماء کرام، مشائخ عظام، مذہبی و سماجی شخصیات نے شرکت کی۔ اجلاس کا آغاز تلاوت قرآن پاک، نعت و مناقب اور دعا سے ہوا، جس کی سعادت عامر وہاب صدیقی نے حاصل کی۔اجلاس میں ڈپٹی میئر چوہدری مبشر علی آرائیں، میونسپل کمشنر عبدالرزاق شیخ، میونسپل افسران، مذہبی تنظیموں کے سربراہان اور دیگر معززین نے شرکت کی۔ اجلاس میں محرم الحرام کے دوران صفائی ستھرائی، روشنی، نکاسی آب اور دیگر انتظامی امور کے حوالے سے اقدامات کا جائزہ لیا گیا۔