لاہور:پنجاب حکومت نے آئندہ مالی سال 2026-27 کے بجٹ میں ماحولیاتی تحفظ اور سموگ کے تدارک کیلئے 17 ارب 20 کروڑ روپے مختص کر دیے ہیں۔ بجٹ دستاویزات کے مطابق سموگ کے خاتمے اور ماحولیاتی بہتری کیلئے متعدد نئے منصوبے شروع کیے جائیں گے۔ایئر کوالٹی مانیٹرنگ سسٹمز کیلئے 5 ارب 20 کروڑ روپے جبکہ واٹر کوالٹی مانیٹرنگ سسٹمز کیلئے 2 ارب 90 کروڑ روپے مختص کیے گئے ہیں۔ پنجاب سموگ مٹیگیشن اینڈ رسپانس انیشی ایٹو پر 5 ارب 30 کروڑ روپے خرچ کیے جائیں گے جبکہ گرین بلڈنگ پروگرام 3 ارب 70 کروڑ روپے کی لاگت سے شروع کیا جائے گا۔
بجٹ میں 14 ارب 60 کروڑ روپے کی لاگت سے کلائمیٹ آبزرویٹری منصوبہ بھی متعارف کرایا گیا ہے۔ پنجاب کے 10 زونز میں انوائرمنٹ پروٹیکشن فورس کے قیام کا آغاز کیا جائے گا جس پر 3 ارب 70 کروڑ روپے خرچ ہوں گے۔
اس کے علاوہ پنجاب بھر میں 11 جدید ماحولیاتی لیبارٹریوں کی تعمیر اور اپ گریڈیشن کیلئے 4 ارب 80 کروڑ روپے مختص کیے گئے ہیں۔ لاہور ایئر امپروومنٹ فریم ورک پر 4 ارب 54 کروڑ روپے خرچ کیے جائیں گے جبکہ سموگ کے تدارک کیلئے 30 اینٹی سموگ گنز نصب کرنے کا منصوبہ بھی بجٹ میں شامل کیا گیا ہے، جس پر 4 ارب 74 کروڑ روپے لاگت آئے گی۔
پنجاب بجٹ2026-27 ، ماحولیاتی تحفظ،اسموگ کے تدارک کے لئے 17 ارب 20 کروڑ مختص
