مری (راشد مغل سے)
ضلع مری کی تحصیل کوٹلی ستیاں ایڈمنسٹریشن نااہلی کے باعث کی عوامی مسائل میں خطرناک اضافہ، وزیر اعلی پنجاب مریم نواز شریف سے فوری طور نوٹس لینے کا مطالبہ کرتے ہوئے پیپلز پارٹی ضلع مری کے صدر عبد الجبار ستی انتظامیہ امور میں اصلاحات کا مطالبہ کیا ہے تفصیلات کے مطابق ضلع مری کی تحصیل کوٹلی ستیاں کے عوامی مساہل میں دن بدن اضافہ پر پیلز پارٹی ضلع مری کے صدر عبدالجبار ستی پیپلز کوٹلی ستیاں صدر اسد ستی نے اپنے مشترکہ بیان میں کہا ہے کہ تحصیل کوٹلی ستیاں کا پورا انتظامی ڈھانچہ شدید بدانتظامی اور ناقص کارکردگی کا شکار ہے، جس کے باعث عوامی سطح پر شدید بے چینی، مایوسی اور اضطراب پایا جا رہا ہے۔تحصیل ریونیو اور متعلقہ انتظامی دفاتر میں عوامی سہولت کے لیے بنیادی نظام عملاً مفلوج ہو چکا ہے۔ شہری روزانہ اپنے ضروری سرکاری امور جیسے فردات، ڈو میسائل اور دیگر ریونیو سروسز کے لیے دور دراز علاقوں سے تحصیل کمپلیکس آتے ہیں، مگر اکثر اوقات پورا پورا دن انتظار کے بعد بغیر کسی نتیجے کے واپس جانے پر مجبور ہو جاتے ہیں۔تحصیل ریونیو، تحصیل میونسپل ایڈمنسٹریشن اور متعلقہ انتظامی نظام کی غیر مستقل اور غیر یقینی موجودگی نے پورے نظام کو ناکارہ بنا دیا ہے۔ بعض اوقات ہفتے میں محدود دنوں کی حاضری کی صورتحال نے عوامی مشکلات کو مزید بڑھا دیا ہے، ہفتے میں دو دن یا تین دن انا جس کے نتیجے میں روزمرہ کے بنیادی سرکاری کام بری طرح متاثر ہو رہے ہیں۔ہم وزیراعلیٰ پنجاب سے پرزور مطالبہ کرتے ہیں کہ اس سنگین انتظامی ناکامی کا فوری اور سخت نوٹس لیا جائے، تحصیل سطح پر مکمل اصلاحات نافذ کی جائیں، تمام متعلقہ انتظامی ڈھانچے کی باقاعدہ مانیٹرنگ کی جائے اور عوامی سہولت کے نظام کو فوری طور پر
فعال اور مؤثر بنایا جائے۔