لاہور میں ٹریفک پولیس نے ای چالان نادہندگان کے خلاف کارروائی کرتے ہوئے 20 لاکھ 88 ہزار 800 روپے سے زائد واجبات رکھنے والے ریکارڈ ڈیفالٹر موٹر سائیکل سوار باز محمد کو گرفتار کر لیا۔ سی ٹی او لاہور کے مطابق چیکنگ کے دوران ملزم کو روکا گیا تو جانچ پڑتال میں حیران کن انکشاف ہوا کہ اس کے نام پر 421 گاڑیاں، رکشے اور موٹر سائیکلیں رجسٹرڈ ہیں۔
ٹریفک حکام کے مطابق بھاری واجبات اور متعدد خلاف ورزیوں کے باعث موٹر سائیکل قبضے میں لے کر تھانہ مسلم ٹاؤن میں بند کر دی گئی ہے، جبکہ باز محمد کے نام پر رجسٹرڈ تمام گاڑیوں اور موٹر سائیکلوں کو بلیک لسٹ کر دیا گیا ہے۔
سی ٹی او لاہور نے بتایا کہ شہر بھر میں ایک لاکھ سے زائد ای چالان ڈیفالٹر گاڑیاں اور موٹر سائیکلیں بھی بلیک لسٹ کی جا چکی ہیں اور نادہندگان کے خلاف کارروائیاں جاری ہیں۔
421 گاڑیوں کا مالک ’ماسٹر مائنڈ‘موٹر سائیکل سوار ڈیفالٹر گرفتار، 2 ملین سے زائد جرمانہ عائد!
