بلوچستان رحمت اللہ بلوچ بیوروچیف بے نقاب نیوز)
کوئٹہ میں سانحۂ زیارت کے شہداء کے لواحقین، دھرنا کمیٹی اور آل پارٹیز رہنماؤں کے درمیان مشترکہ اجلاس جاری ہے۔صوبائی صدر پاکستان تحریک انصاف بلوچستان داودشاہ کاکڑ اجلاس میں شریک ہیں۔اجلاس میں پشتونخوا ملی عوامی پارٹی کے عبدالرحیم زیارتوال، قہار خان ودان، پشتونخوا نیشنل عوامی پارٹی کے نصراللہ زیرے اور خوشحال کاسی، عوامی نیشنل پارٹی کے صوبائی صدر اصغر خان اچکزئی، جمعیت علمائے اسلام کے مولانا کمال الدین اور دلاور خان کاکڑ، بلوچستان نیشنل پارٹی (مینگل) کے آغا حسن بلوچ، نیشنل پارٹی کے ڈاکٹر اسحاق بلوچ، ایم این اے عادل خان بازئی، نیشنل ڈیموکریٹک موومنٹ کے احمد جان لالا اور دیگر سیاسی رہنما اجلاس میں شریک ہیں اجلاس میں شہداء کے لواحقین کے مطالبات، انصاف کی فراہمی اور آئندہ کے مشترکہ لائحۂ عمل پر غور کیا جا رہا ہے۔