نواب شاہ (رپورٹ: نفیس آرائیں)
ایس ایس پی شہید بینظیر آباد سمیر نور چنہ کی خصوصی ہدایت پر دوڑ پولیس اور مددگار 15 نے فوری کارروائی کرتے ہوئے مدرسے سے لاپتہ ہونے والے دو کمسن طالب علموں کو چند گھنٹوں کے اندر باحفاظت بازیاب کر کے ان کے ورثاء کے حوالے کر دیا۔
پولیس کے مطابق لاڑکانہ کے رہائشی طالب علم احسان علی اور فرحان علی، جو دوڑ کے ایک مقامی مدرسے میں زیرِ تعلیم تھے، اچانک لاپتہ ہوگئے تھے۔ اطلاع ملتے ہی ایس ایس پی سمیر نور چنہ نے واقعے کا نوٹس لیتے ہوئے خصوصی ٹیمیں تشکیل دیں اور مؤثر ناکہ بندی کے احکامات جاری کیے۔
پولیس اور مددگار 15 کی مشترکہ کارروائی کے نتیجے میں دونوں بچوں کو قلیل وقت میں بحفاظت تلاش کر لیا گیا۔ قانونی کارروائی مکمل ہونے کے بعد بچوں کو ان کے لواحقین کے سپرد کر دیا گیا۔