انمول عرف پنکی گینگ کا چیف اکاؤنٹنٹ گرفتار،چونکا دینے والے انکشافات،وزیراعلیٰ پنجاب مریم نواز نے بھی رپورٹ مانگ لی، سی سی ڈی لاہور کے حوالے کرنیکا فیصلہ

کراچی :کراچی پولیس گلستان جوہر میں کارروائی کے دوران  چھاپہ مار کر انمول عرف پنکی گینگ کے چیف اکاؤنٹنٹ  ذیشان کو گرفتار کر لیا  اہم انکشافات، اربوں کی ٹرانزیکشنز کا پتہ چلا ہے۔
تفتیشی حکام کے مطابق گرفتار ملزم ذیشان اس پورے نیٹ ورک کے اکاؤنٹس اور مالی معاملات سنبھالنے کا ذمہ دار تھا اور اس سے ہونے والی ابتدائی تحقیقات میں کئی چونکا دینے والے انکشافات سامنے آئے ہیں۔
پولیس ذرائع کا کہنا ہے کہ منشیات کی خرید و فروخت کے لیے ادائیگیوں کا ایک پیچیدہ نظام بنایا گیا تھا جس میں آن لائن ایپس اور موبائل بیلنس کی آڑ میں رقم منتقل کی جاتی تھی جبکہ ایک نجی کمیونیکیشن فرنچائز کو بھی لین دین کے لیے استعمال کیا جا رہا تھا۔ یادرہے بدنام زمانہ امریکی گینگسٹر ” الکپون“ کا زوال بھی اس کے چیف اکاؤنٹنٹ کی گرفتاری سے شروع ہوا تھا جس سے پہلے تک اسے کو ئی ہاتھ نہیں لگا سکتاتھا اور ججز ، پولیس افسروں کو مروانا اس کے بائیں ہاتھ کا کھیل تھا،
پنکی کے خلاف تحقیقات کا دائرہ اب لاہور تک پھیل چکا ہے جہاں وزیر اعلیٰ پنجاب نے اس نیٹ ورک کے حوالے سے خفیہ اداروں سے تفصیلی رپورٹ طلب کر لی ہے۔ملزمہ پنکی کے مبینہ شوہر سابق پولیس انسپیکٹر رانا اکرام کوبھی طلب کر لیا گیا۔
سی سی ڈی لاہور نے بھی باقاعدہ تفتیش کا آغاز کر دیا ہے اور امکان ہے کہ پنکی کو قانونی کارروائی کے لیے لاہور منتقل کیا جائے گا۔