لاہور:ذرائع کا کہنا ہے کہ ملزمہ لاہور میں پنکی کراچی والی کے نام سے جانی جاتی تھی، پنکی کے نام کی نہ تو جائیداد لاہور میں ابھی تک سامنے آئی ہے اور نہ ہی کوئی گاڑی اور نہ ابھی تک اس کے خاوند کا نام بتایا جا رہا ہے۔
حساس ادارے نے انمول عرف پنکی کو چند روز قبل نواب ٹاون لاہور سے حراست میں لیا، انمول عرف پنکی کو واٹس ایپ لوکیٹر کی مدد سے لاہور سے ٹریس کیا۔ کراچی کے منشیات مقدمات میں اشتہاری ہونے کے باعث اسے کراچی پولیس کے حوالے کیا گیا۔ لاہور میں ایک شخص سے دوسری شادی کی ہوئی تھی اور اسی نے اپنے نام پر اسے گھر کرائے پر لے کر دیا ہوا تھا۔ پنکی گھر میں منشیات بناتی تھی، جہاں سے کروڑوں روپے مالیت کی منشیات قبضے میں لی گئی۔جیل حکام کے مطابق انمول عرف پنکی کا جیل میں جب میڈیکل ہوا ہے تو وہ بالکل فٹ تھی۔ اس سے جب سوال ہوا کہ کیا آپ نشہ کرتی ہیں تو اس نے جواب دیا کہ میں نشہ نہیں کرتی۔
ملزمہ لاہور سے بیٹھ کر ملک کےبڑے شہروں میں منشیات کا دھندا چلاتی تھی۔ مزید انکشاف کیا گیاکہ لاہور میں برآمد ہونے والی کوکین کو ٹیلکم پاوڈر میں تبدیل کر کے انمولی پنکی کو مقدمے سے بچایا گیا۔