صوابی (حق نواز خان)
تھانہ صوابی / چوکی جھنڈا پولیس کی کامیاب کارروائی، نقب زنی میں مطلوب چھ رکنی چور گروہ ٹریس چار ملزمان گرفتار
تفصیلات کے مطابق ڈسٹرکٹ پولیس آفیسر صوابی وقاص رفیق کی خصوصی ٹاسک پر ضلع بھر میں نقب زنی اور چوری کی وارداتوں میں ملوث عناصر کے خلاف جاری کارروائیوں کے دوران ایس پی انوسٹی گیشن شفیع الرحمن کی سربراہی میں ڈی ایس پی فضل شیر خان اور ایس ایچ او تھانہ صوابی شہزاد خان کی قیادت میں چوکی جھنڈا انچارج ولید خان نے کامیاب کارروائی کرتے ہوئے نقب زنی میں مطلوب چھ رکنی چور گروہ کو ٹریس کرکے چار ملزمان مجاہد اور یاسین پسران سراج،ادریس ولد اسماعیل جعفر ولد عبدالباقی ساکنان قدرہ کو گرفتار کر لیا۔ملزمان نے مورخہ 29.08.2025 کو مدعی تنویر جو ہسپتال قدرہ میں بحیثیت میڈیکل ٹیکنیشن تعینات ہے اور سرکاری کوارٹر میں رہائش پذیر ہے، کی غیر موجودگی کا فائدہ اٹھاتے ہوئے گھر کے کمرے کے دروازے توڑ کر لاکھوں روپے مالیت کے طلائی زیورات، موبائل فون، ٹیبلٹ اور دیگر قیمتی سامان چوری کر لیا تھا۔واقعہ کے اندراج کے بعد پولیس ٹیم نے جدید تفتیشی طریقہ کار، تکنیکی شواہد اور خفیہ معلومات کی بنیاد پر ملزمان کو ٹریس کرکے چار ملزمان مجاہد،یاسین،ادریس اقر جعفر کو گرفتار کیا۔ گرفتار ملزمان کے قبضے سے چوری شدہ نقدی رقم ایک لاکھ پچاس ہزار روپے اور ایک عدد MP5 بندوق بھی برآمد کر لی گئی ہے۔
ملزمان کے خلاف مقدمات درج کرکے مزید تفتیش جاری ہے جبکہ گروہ سے مزید اہم انکشافات اور دیگر وارداتوں کی توقع کی جا رہی ہے۔