ڈرانے دھمکانے اور رشوت مانگنے والے جعلی سیکشن آفیسر کے خلاف مقدمہ درج

سیالکوٹ (سلیم احمد اعوان شیخو)ریونیو آفیسر ڈسکہ چودہری منظر گل کو وزیر اعلی کمپلینٹ سیل کا جعلی سیکشن آفیسر ظاہر کرکے ڈرانے دھمکانے اور رشوت مانگنے والے جعلی سیکشن آفیسر کے خلاف مقدمہ درج کر لیا گیا ہے۔بتایا گیا ہے کہ ایک شخص رانا کاشف نے اسسٹنٹ کمشنر ڈسکہ کے دفتر فون کر کے کہا وہ وزیر اعلیٰ پنجاب کمپلینٹ سیل میں سیکشن آفیسر ہے اور ریونیو آفیسر منظر گلُ کے حلاف مذکورہ کمپلینٹ سیل میں شکایت موصول ہوئی اگر منظر گل نے اپنے خلاف کارروائی رکوانے کے لئے فوری رقم نہ دی تو اسے ملازمت سے برخاست کردیا جائے گا جب ریونیو حکام نے مذکورہ کمپلینٹ سیل میں رابطہ کیا تو پتہ چلا کہ رانا کاشف نامی کوئی سیکشن آفیسر کمپلینٹ سیل میں نہ ہے جس پر ریونیو حکام کی درحواست پر تھانہ سٹی ڈسکہ پولیس نے جعلی سیکشن آفیسر کے حلاف مقدمہ درج کرلیا ہے۔