سکھر ( رپورٹ/عبد الرحمان راجپوت ) اسسٹنٹ کمشنر سکھر سٹی نے سکھر میونسپل کارپوریشن کے ہمراہ آج نشتر روڈ پر نرم تجاوزات کے خاتمے کے لیے انسدادِ تجاوزات مہم کا انعقاد کیا۔ اس دوران سخت تجاوزات کے خاتمے کے لیے نوٹسز بھی جاری کیے گئے۔
علاقے میں ٹریفک کی روانی متاثر کرنے میں لوڈر رکشاؤں کا کردار نمایاں پایا گیا، جس پر مارکیٹ کے دکانداروں کو آگاہ کیا گیا کہ لوڈنگ اور اَن لوڈنگ کے اوقات کو صبح سویرے یا رات گئے تک محدود رکھا جائے تاکہ رش اور ٹریفک مسائل میں کمی لائی جا سکے۔
مزید برآں، ملحقہ مارکیٹوں کے تمام اسٹیک ہولڈرز کے ساتھ ایک اجلاس بھی منعقد کیا جائے گا تاکہ لوڈر رکشاؤں کے اوقات کار کے مؤثر نفاذ کو یقینی بنایا جا سکے۔
ٹی ایم سی مکی شاہ کو ذمہ داری تفویض کی گئی ہے کہ وہ معمول کے مطابق نشتر روڈ کے دورے کر کے انسدادِ تجاوزات اقدامات کی نگرانی اور عملدرآمد کو یقینی بنائیں ۔