ٹھٹھہ (رپورٹ شیراز واریو)
جنگشاہی ریلوے اسٹیشن کے قریب کراچی سے پنجاب جانے والی مال گاڑی حادثے کا شکار ہوگئی ہے، ریلوے حکام کے مطابق ایئر پریشر بریک فیل ہونے کے باعث ڈرائیور ٹرین پر قابو نہ رکھ سکا، جس کے نتیجے میں مال گاڑی سیفٹی بلاک توڑ کر آگے نکل گئی، حادثے کے باعث انجن سمیت تین بوگیاں پٹڑی سے اتر گئیں جبکہ ریلوے ٹریک کو جزوی نقصان پہنچا ہے، واقعے کی اطلاع ملتے ہی ریلوے عملہ اور متعلقہ حکام موقع پر پہنچ گئے۔ حکام کے مطابق کوٹری سے امدادی ٹیم پہنچنے کے بعد بحالی کا کام شروع کیا جائے گا۔دوسری جانب پولیس کا کہنا ہے کے حادثے میں کوئی بھی جانی نقصان نہیں ہوا ہے.