سیالکوٹ (سلیم احمد اعوان شیخو) پسرور کے علاقہ میں ٹریفک حادثہ میں کار کی موٹر سائیکل کو ٹکر لگنے سے 2 نوجوان جاں بحق ہو گئے۔بتایا گیا ہے کہ پسرور کے علاقہ چوہڑ منڈا روڈ پر چوہڑ منڈا قبرستان کے قریب نامعلوم کار سوار کی موٹر سائیکل کو ٹکر لگنے سے دو موٹر سائیکل سوار 15 سالہ عبداللّٰہ ولد جمیل رہائشی جادہ موقع پر ہی جاں بحق ہو گیا جبکہ 11سالہ عمیر ولد قاسم رہائشی شاہ حسین کو شدید زخمی حالت میں تحصیل ہیڈ کوارٹر ہسپتال پسرور لے جایا گیا لیکن وہ زخموں کی تاب نہ لا تے ہوئے اپنے خالق حقیقی سے جا ملا۔جبکہ کار سوار کار سمیت موقع سے فرار ہونے میں کامیاب ہو گیا۔ تھانہ قلعہ کالر والا پولیس نے نامعلوم کار سوار کے خلاف مقدمہ درج کر کے کار سوار کی تلاش شروع کر دی ہے۔
