شہدادپور( عمران قمرسے)
شہدادپور کے قریب مقصودو رند کے گائوں تگیو رند کی بیوہ کا احتجاج۔ وڈیروں پر درخت کاٹنے اور جھوٹے مقدمات درج کروانے کی دھمکیاں دینے کے الزامات۔۔شہدادپور کے قریب مقصودو رند کے گائوں تگیو رند کی رہائشی کامریڈ بیوہ پریمی زوجہ بھگت ریشم نے مبینہ زیادتیوں اور دھمکیوں کے خلاف پریس کلب شہدادپور پہنچ کر احتجاجی مظاہرہ کیا۔ اس موقع پر انہوں نے میڈیا سے گفتگو کرتے ہوئے الزام عائد کیا کہ گاں کے بااثر افراد ستار سنجرانی۔ لطف رند۔ زوار غلام قمبر اور دیگر ان کے گھر میں گھس کر زبردستی درخت کاٹ کر گئے اور انہیں ہراساں کرنے کے لیے جھوٹے مقدمات درج کروانے کی دھمکیاں بھی دے رہے ہیں۔ انہوں نے کہا کہ ان کا خاندان گزشتہ 30 سال سے مذکورہ سرکاری گاں میں رہائش پذیر ہے اور ہمیشہ پرامن طریقے سے زندگی گزارتا رہا ہے، لیکن اب انہیں بے دخل کرنے اور دبا میں لانے کے لیے مختلف حربے استعمال کیے جا رہے ہیں۔ کامریڈ پریمی نے مزید کہا کہ عورت ہونے کے باوجود وہ اپنے حقوق کے لیے آواز اٹھانے پر مجبور ہوئی ہیں۔ کیونکہ ان کے خاندان کو مسلسل خوف اور عدم تحفظ کی صورتحال کا سامنا ہے۔ احتجاج کرنے والی عورت نے بالاحکام سے مطالبہ کیا کہ واقعے کا نوٹس لے کر ذمہ داران کے خلاف قانونی کارروائی کی جائے اور ان کی جان و مال کو تحفظ فراہم کیا جائے۔ انہوں نے کہا کہ اگر انہیں انصاف نہ ملا تو وہ مزید سخت احتجاج کا دائرہ وسیع کریں گی۔