لاہور/وزیر آباد: پنجاب حکومت کے ‘تعبیر پروگرام’ کی ایک تشہیری ویڈیو نے انٹرنیٹ پر اس وقت طوفان برپا کر دیا جب ایک امیدوار نے اپنا ایسا نام بتایا کہ دیکھنے والے دنگ رہ گئے۔ وزیر آباد سے تعلق رکھنے والے اس نوجوان کا نام ‘ہٹلر اقبال’ ہے، جس کے انوکھے نام نے پروگرام کی تشہیر سے زیادہ سوشل میڈیا صارفین کی توجہ اپنی جانب مبذول کر لی ہے۔
وائرل ہونے والی ویڈیو میں ہٹلر اقبال نامی یہ نوجوان وزیر اعلیٰ پنجاب کے ‘اسکلڈ پنجاب’ (Skilled Punjab) اقدام کے تحت بیرون ملک ملازمت کے لیے انٹرویو دیتے ہوئے نظر آتا ہے۔ ہٹلر اقبال کا کہنا ہے کہ وہ صرف اپنا پاسپورٹ اور سی وی لے کر آیا اور پورا عمل بالکل مفت اور شفاف تھا۔
وزیر اعلیٰ پنجاب کے ‘تعبیر’ پروگرام کے تحت وزیر آباد سے تعلق رکھنے والے ہٹلر اقبال پی ایس ڈی ایف کے ذریعے انٹرویو دینے پہنچ گئے۔ انہوں نے بتایا کہ وہ صرف اپنا پاسپورٹ اور سی وی لے کر آئے ہیں اور یہ عمل مکمل طور پر مفت ہے۔ حکومت پنجاب نوجوانوں کو روزگار کے لیے بیرون ملک بھیجنے میں… pic.twitter.com/geWTmSfH1x
— PMLN (@pmln_org) May 6, 2026
نوجوان نے دوسرے نوجوانوں کو بھی اس پروگرام سے فائدہ اٹھانے کی ترغیب دی، لیکن جیسے ہی ویڈیو اپ لوڈ ہوئی، صارفین نے پروگرام کے بجائے اس کے نام پر میمز اور تبصروں کی لائن لگا دی۔
سوشل میڈیا پر دلچسپ تبصرے
ہٹلر اقبال کا نام سامنے آتے ہی سوشل میڈیا پر ایک نئی بحث چھڑ گئی۔
ایک صارف نے لکھا: "پہلا ہٹلر دنیا فتح کرنے نکلا تھا، یہ ہٹلر روزگار فتح کرنے نکلا ہے۔”
کچھ صارفین نے اسے ‘وزیر آباد کا خطرناک ترین امیدوار’ قرار دے دیا، جبکہ اکثریت نے اسے محض ایک دلچسپ اتفاق قرار دیا۔
تعبیر پروگرام ہے کیا؟
اگرچہ توجہ نام پر مرکوز رہی، لیکن یہ ویڈیو دراصل پنجاب حکومت کے ‘تعبیر پروگرام’ کا حصہ ہے جو وزیر اعلیٰ پنجاب مریم نواز شریف کے وژن کے تحت شروع کیا گیا ہے۔
جس کا مقصد نوجوانوں کو مفت تربیت، فنی مہارت اور عالمی سطح کے سرٹیفکیٹس فراہم کر کے بیرون ملک (خاص طور پر خلیجی ممالک) میں ملازمتوں کے قابل بنانا۔
اس پروگرام کے تحت 2 سے 12 ہفتوں کے مختصر دورانیے کے فنی کورسز کروائے جا رہے ہیں۔