نئی دہلی:بھارت کے دارالحکومت دہلی میں ایک جج نے خود کشی کرلی ۔
دہلی کے صفدرجنگ علاقے میں رہنے والے30 سالہ جج امن کمار شرما کی لاش ان کی رہائش گاہ سے ملی۔ پولیس فی الحال معاملے کی تحقیقات کر رہی ہے۔ جج امن کمار شرما نارتھ ایسٹ دہلی لیگل سروسز اتھارٹی کے سکریٹری تھے۔
واقعہ کی اطلاع ان کے رشتہ دار شیوم نے پولیس کو دی جس کے بعد صفدر جنگ انکلیو تھانے کی پولیس جائے وقوعہ پر پہنچی۔ متوفی امن کمار شرما گرین پارک میں اپنی رہائش گاہ پر رہتے تھے۔ لاش کو تحویل میں لے کر پوسٹ مارٹم کے لیے بھیج دیا گیا ہے۔ پولیس واقعے کے پیچھے محرکات جاننے کے لیے اہل خانہ اور قریبی رشتہ داروں سے پوچھ گچھ کر رہی ہے۔ ذرائع کا کہنا ہے ہے کہ ان کے اپنی اہلیہ سے اختلافات چل رہے تھے ۔
امان کمار شرما نے 19 جون 2021 کو دہلی جوڈیشل سروس میں شمولیت اختیار کی۔ انہوں نے 2018 میں سمبیوسس لاء اسکول، پونے سے قانون کی تعلیم مکمل کی۔ اپنے دور میں انہوں نے متعدد فوجداری اور دیوانی مقدمات کی سماعت کی اور مختلف عدالتوں میں جج کے طور پر خدمات انجام دیں۔
