“اتم نربھرتا“ کے دعوے ٹھس، دبئی ایئرشو میں تیجاس جنگی طیارے کے ملبے کےساتھ بھارت کا دعوے اورگھمنڈ بھی بکھر گیا

اسلام آباد۔:دبئی ائیر شو پر بھارتی گھمنڈ اور دفاعی تیاری زمین بوس ہوگئی، دبئی ایئر شو میں بھارتی جنگی طیارے تیجس کے گر کر تباہ ہونے سے بھارت کے خود ساختہ ’’آتم نربھرتا‘‘ کے دعوے سب سے بڑی عالمی سطح پر زمین بوس ہو گئے۔تفصیلات کے مطابق دہائیوں سے کیے جانے والے بڑھا چڑھا کر پیش کیے گئے دعوے، سیاسی نمائش اور میڈیا کے ذریعے بنائے گئے تاثر چند سیکنڈ میں اس وقت گرے جب طیارہ زمین سے ٹکرایا۔83 بلین ڈالر کے دفاعی بجٹ کو جس تبدیلی کا ذریعہ قرار دیا جاتا تھا، وہ آخرکار رن وے پر بکھرے ہوئے ملبے کی صورت میں نظر آیا۔
یہ حادثہ صرف ایک طیارے کا نہیں بلکہ بھارتی مسلح افواج اور اُن کے نظام میں موجود گہرے زوال اور پستگی کو پوری دنیا کے سامنے لے آیا۔جس چیز کو بھارت ’’مقامی صلاحیت‘‘ کا ثبوت بنا کر پیش کرتا رہا، اس نے درحقیقت ادارہ جاتی کمزوریوں کو ظاہر کر دیا۔معیار، حفاظت اور جوابدہی کو برقرار رکھنے کی مکمل ناکامی ہے۔امریکی کانگریس کی رپورٹ پہلے ہی ہندوستانی دفاعی خریداری میں کرپشن، عدم شفافیت اور سیاسی مداخلت کی نشاندہی کر چکی تھی۔
یہ حادثہ ان خدشات کی عملی تصویر بن کر سامنے آیا۔پرواز سے قبل گردش کرنے والی تصویروں میں لیکیج اور ساختی کمزوری واضح تھے۔اس کے باوجود حکام نے تشہیری فائدے کے لیے طیارہ اڑانے کا فیصلہ کیا۔نظر آنے والے تکنیکی نقائص کے باوجود طیارہ اڑانا اس ذہنیت کو ظاہر کرتا ہے جو بیوروکریٹک تکبر اور اس نظام سے تشکیل پاتی ہے جہاں تاثر، حقیقت سے زیادہ اہم سمجھا جاتا ہے۔
بھارت دبئی ایئر شو میں اپنی فوجی ’’نشاۃ ثانیہ‘‘ دکھانا چاہتا تھا؛ لیکن جو کچھ سامنے آیا وہ اس کے فیصلہ سازی، انجینئرنگ چین اور کمانڈ ڈھانچے میں سرایت کر چکی خرابیوں کا اظہار تھا۔تیجس کا یہ حادثہ ایک واضح یاد دہانی ہے کہ کوئی بھی بیانیہ سازی، میڈیا ہائپ یا تشہیری مہم اُس نظام کی حقیقت نہیں چھپا سکتی جو اندر سے بوسیدہ ہو چکا ہو۔