ٹوکیو:وزیراعلیٰ پنجاب مریم نوازشریف ہنڈا کمپنی کے ہیڈ کوارٹر پہنچ گئیں، ایگزیکٹو وائس پریزیڈنٹ نوریا کایہارا سے ملاقات،حکومت پنجاب اور ہنڈا کمپنی کے درمیان سٹریٹجک تعاون بڑھانے، الیکٹرک گاڑیوں کی مقامی پیداوار اور اسمبلنگ کے امور پر تبادلہ خیال کیا۔
رپورٹ کے مطابق ہنڈا کمپنی کے ایگزیکٹو وائس پریذیڈنٹ سے ملاقات میں انہوں نے نوجوانوں کو اس شعبے میں ہنرمند بنانے کے لئے جاپان بالخصوص ہنڈا کے تجربات سے فائدہ اٹھانے پر اتفاق کیا جبکہ وزیراعلی مریم نواز نے حکومت پنجاب کے 1500 الیکٹرک بسوں کے لئے نجی شعبے کے اشتراک سے ای وی ڈپو قائم کرنے سے متعلق آگاہ کیا
اس موقع پر گفتگو کرتے ہوئے انہوں نے کہا کہ پنجاب میں بجلی سے چلنے والی گاڑیوں کے کلچر کے فروغ کے لئے ہنڈا کے تعاون کا خیر مقدم کریں گے۔پنجاب میں الیکٹرک گاڑیوں کی سب سے بڑی مارکیٹ بننے کا پوٹینشل ہے، جبکہپنجاب سرمایہ کاری کے بہترین مواقع فراہم کرتا ہے، سکلڈ لیبر کے ساتھ الیکٹرک گاڑیوں کی اسمبلنگ اور مینوفیکچرنگ کے لئے آئیڈیل مقام ہے۔
ان کا مزید کہنا تھا کہ پنجاب کے شہری اور نیم شہری علاقوں میں الیکٹرک گاڑیوں اور بائیکس کے لئے بیٹری چارجنگ انفراسٹرکچر قائم کرنا چاہتے ہیں سٹیٹ آف دی آرٹ وہیکل ٹیسٹنگ لیب کے لئے ہنڈا کمپنی کے اشتراک کا خیر مقدم کریں گے۔
انہوں نے بتایا کہ پنجاب حکومت غیر ملکی سرمایہ کاروں کو بہترین مراعات فراہم کر رہی ہے،لاہور اور راولپنڈی کے درمیان ہائی سپیڈٹرین کے ذریعے نئے دور کا آغاز کریں گے، جبکہ راولپنڈی سے مری کے لئے ٹورسٹ گلاس ٹرین پراجیکٹ سے سیاحت کو فروغ ملے گا۔
انہوں نے کہا کہ حادثات میں کمی کیلئے وہیکل سیفٹی سٹینڈرڈ میں بہتری لانا چاہتے ہیں اس موقع ضرہنڈا کمپنی کے نائب صدر نے وزیراعلی پنجاب مریم نواز شریف کا خیرمقدم کیا اور صوبے کی ترقی کے وژن اور انکے جذبے کو سراہا۔