دوحہ: مشرقِ وسطیٰ میں جاری جنگی صورتحال اور قطر کی فضائی حدود (Airspace) بند ہونے کے باعث ‘قطر ایئرویز گروپ’ نے دوحہ سے آپریٹ ہونے والی تمام ملکی و غیر ملکی پروازوں کی عارضی معطلی کا باضابطہ اعلان کر دیا ہے۔
دوحہ آنے اور وہاں سے روانہ ہونے والی تمام پروازیں فی الحال روک دی گئی ہیں۔
Temporary Suspension of Qatar Airways Flights due to Qatari Airspace Closure
Qatar Airways Group confirms the temporary suspension of its flights to, and from, Doha due to the closure of Qatari airspace.
The airline is working closely with government stakeholders and the…
— Qatar Airways (@qatarairways) February 28, 2026
قطری حکام کی جانب سے سیکورٹی خدشات کے پیشِ نظر فضائی حدود کو مکمل طور پر بند کر دیا گیا ہے۔
حماد انٹرنیشنل ایئرپورٹ اور دیگر اہم مقامات پر اضافی گراؤنڈ اسٹاف تعینات کر دیا گیا ہے تاکہ متاثرہ مسافروں کی رہنمائی کی جا سکے۔
ایئرلائن انتظامیہ کا کہنا ہے کہ فضائی حدود کھلنے کے بعد جب آپریشنز دوبارہ شروع ہوں گے، تو پروازوں کے شیڈول میں غیر معمولی تاخیر کا خدشہ ہے۔
قطر ایئرویز کے ترجمان کے مطابق مسافروں اور عملے کی حفاظت ہماری اولین ترجیح ہے۔ ایئرلائن متعلقہ حکام کے ساتھ مسلسل رابطے میں ہے اور جیسے ہی فضائی حدود کھلے گی، پروازیں دوبارہ بحال کر دی جائیں گی۔
قطر ایئرویز نے اپنے مسافروں کو مشورہ دیا ہے کہ وہ تازہ ترین معلومات کے لیے ایئرلائن کی ویب سائٹ، موبائل ایپ یا سوشل کو فالو کریں۔