ریاض:سعودی عرب اور متحدہ عرب امارات کے درمیان خطے میں ڈیجیٹل برتری کی دوڑ تیز ہو گئی ہے، جہاں دونوں ممالک نے ہائی اسپیڈ انٹرنیٹ انفراسٹرکچر کے بڑے منصوبوں کا اعلان کر دیا ہے۔رپورٹس کے مطابق یو اے ای اور عراق کے کنسورشیم نے تقریباً 700 ملین ڈالر کی لاگت سے ایک انٹرنیٹ ڈیٹا کیبل منصوبہ شروع کیا ہے، جو عراق کے راستے ترکی تک جائے گا۔ اس منصوبے کو "ورلڈ لنک” کا نام دیا گیا ہے، جس کا کچھ حصہ سمندر کے نیچے جبکہ باقی خشکی پر بچھایا جائے گا۔دوسری جانب سعودی عرب نے شام کے ساتھ مل کر "سلک لنک” نامی تقریباً ایک ارب ڈالر کے فائبر آپٹک منصوبے کا اعلان کیا ہے، جس کا مقصد خطے میں ڈیٹا روٹس کو بہتر بنانا اور انٹرنیٹ انفراسٹرکچر کو مضبوط کرنا ہے۔ماہرین کے مطابق یہ منصوبے نہ صرف تیز رفتار انٹرنیٹ فراہمی کو بہتر بنائیں گے بلکہ خطے میں ڈیٹا سینٹرز اور مصنوعی ذہانت کے شعبے میں بھی مسابقت کو بڑھائیں گے، جس سے مشرق وسطیٰ ایک اہم ڈیجیٹل مرکز کے طور پر ابھر سکتا ہے۔
