قاضی احمد (رپورٹ سائين بخس لاکھو )
حیدرآباد میں پاکستان خاصخیلی راڄوڻي اتحاد سندھ کا ورکرز کنونشن قبیلے کے سردار راجا خان خاصخیلی کی صدارت میں منعقد ہوا، جس میں سندھ کے مختلف اضلاع اور تعلقوں کے عہدیداران اور کارکنوں نے بڑی تعداد میں شرکت کی۔کنونشن کے دوران مختلف اضلاع اور تعلقوں کے عہدیداران نے اپنے اپنے علاقوں میں تنظیمی کارکردگی پیش کی۔ اس موقع پر تعلقہ قاضی احمد کے رہنما اور معروف قومی راگ علی حسن خاصخیلی کی تنظیمی کارکردگی کو سراہتے ہوئے سردار راجا خان خاصخیلی نے ان کی خدمات کی تعریف کی۔بعد ازاں سردار راجا خان خاصخیلی نے علی حسن خاصخیلی کو سندھ کی ثقافت کی علامت اجرک پہنا کر پاکستان خاصخیلی راڄوڻي اتحاد ضلع شہید بینظیر آباد کا صدر مقرر کرنے کا اعلان کیا۔اس موقع پر علی حسن خاصخیلی نے کہا کہ وہ سردار راجا خان خاصخیلی کی جانب سے دی جانے والی عزت اور اعتماد پر ان کے شکر گزار ہیں۔ انہوں نے کہا کہ ان شاء اللہ تنظیم کی بہتری، اتحاد و یکجہتی اور اپنی برادری کی خدمت کے لیے بھرپور کردار ادا کریں گے۔